الدعم والمساعدة
عشان نخدمك أسرع، اكتب رقم طلبك (يطلع في صفحة الطلب، مثل #15)، وأرفق صورة إذا المشكلة في الطلب نفسه.
أسئلة العملاء
وين يوصل سفرة الحي؟
نبدأ في الرياض بحي الرمال وحي ظهرة لبن، ونضيف أحياء جديدة قريب. اختر حيّك من أعلى الصفحة الرئيسية في التطبيق.
كم رسوم التوصيل والحد الأدنى للطلب؟
رسوم التوصيل 10 ر.س، والحد الأدنى للطلب 20 ر.س. تشوف المجموع كامل قبل ما تدفع.
كيف أدفع؟
الدفع إلكتروني فقط: مدى، فيزا، ماستركارد، أو Apple Pay. الدفع يتم عبر بوابة ميسر المرخّصة، وما نحفظ بيانات بطاقتك.
أقدر ألغي طلبي؟
تقدر تلغيه من التطبيق قبل ما تقبله الأسرة، ويرجع لك المبلغ كامل. بعد القبول تواصل معنا ونراجع الحالة. التفاصيل في سياسة الإلغاء والاسترجاع.
وصلني الطلب ناقص أو فيه مشكلة
أرسل لنا صورة على واتساب خلال ساعتين من الاستلام مع رقم الطلب، ونعيد لك المبلغ كاملاً أو جزئياً حسب الحالة.
متى يرجع المبلغ لحسابي؟
نبدأ الاسترجاع خلال يوم عمل من الموافقة، ويرجع لنفس البطاقة. مدة ظهوره تعتمد على البنك.
كيف أحذف حسابي؟
من التطبيق: حسابي ← حذف الحساب. أو راسلنا على واتساب ونحذفه لك.
أسئلة الأسر المنتجة
كيف أسجّل مطبخي؟
حمّلي التطبيق، وسجّلي برقم جوالك، واختاري «سجّلي أسرتك» من صفحة حسابي. تحتاجين وثيقة العمل الحر أو رخصة الأسر المنتجة، وصورة لأطباقك.
كم عمولة سفرة الحي؟
العمولة 10% من قيمة الأطباق فقط، و5% أول 3 شهور للأسر المؤسِّسة. رسوم التوصيل كاملة لك لأنك توصّلين بنفسك.
متى توصلني أرباحي؟
نحوّل أرباحك الصافية أسبوعياً على الآيبان المسجّل في إعدادات الأسرة، وتتابعين أرباحك من لوحة الأسرة.
أقدر أقفل المطبخ بعض الأيام؟
أكيد. من لوحة الأسرة اضغطي زر «مفتوح» عشان تقفلين المطبخ، وما توصلك طلبات لين تفتحينه.
السياسات
سياسة الخصوصية · الشروط والأحكام · الإلغاء والاسترجاع · اتفاقية الأسرة المنتجة